Усанд автсан 71 дуудлага ирсэн байна

           Үргэлжлэн орсон борооны улмаас усанд автлаа гэсэн 71 дуудлага  Нийслэлийн онцгой байдлын газарт иржээ. Онц ноцтой нөхцөл байдал үүссэн буюу хүний амь настай их хэмжээний эд хөрөнгөнд хохирол учруулах дуудлага ирээгүй гэв.

            Онцгой байдлын газрын албан хаагчид гал түймэр, үер ус гээд ойрын үед цаг наргүй ажиллаж байгааг иргэд ойлгож өөрсдөө арга хэмжээ авч болох зарим асуудалд заавал онцгой байдал дуудаж ачааллыг нэмэгдүүлэхгүй байх хэрэгтэйг онцлов.

             Нийслэлийн хэмжээнд үерийн аюултай бүсэд суурьшсан 2400 гаруй өрх байдаг бөгөөд өөрсдийн эрүүл мэнд амь насаа хамгаалж үер усны аюултай газраас нуух, ийм газар буухгүй байхыг онцгой байдлын газраас анхааруулсаар байна.

Эх сурвалж: www.TODAY.mn