ОХУ-ын холбооны хурлын дарга В.Матвиенко М.Энхболдод амжилт хүссэн захидал ирүүлжээ

Эрхэм хүндэт дарга аа!

Таны ОХУ-д хийсэн айлчлалын үеэр 2016 оны арванхоёрдугаар сарын 15-ны өдөр Холбооны Зөвлөлд Тантай хийсэн найрсаг, харилцан ойлголцсон уур амьсгалтай уулзалтыг халуун дотноор дурсан санаж байна.

Тус гүн агуулгатай хэлэлцээр нь Орос-Монголын харилцааны тухай санал солилцох, түүний цаашдын хөгжлийн хэтийн төлвийг тодотгох боломж олгосон юм.

Орос, Монголын ард түмэн түүхэн уламжлалт харилцаатай билээ. Холбооны Зөвлөл нь Орос Монголын парламент хоородын харилцааг манай хоёр орны найрсаг харилцааны чухал бүрэлдэхүүн хэсэг болгон цаашид гүнзгийрүүлэхийн тулд боломжтой бүхнийг хийх болно.

Ази-Номхон далайн парламентын форум ба Парламент хоорондын холбоо зэрэг нэн тэргүүний олон талт парламент хоорондын байгууллагуудад бидний үр өгөөжтэй хамтын ажиллагаа туйлын чухал гэж үзэж байна. Удахгүй Санкт-Петербург хотноо 2017 оны аравдугаар сарын 14-18-ны өдрүүдэд зохиогдох 137 дугаар Парламент Хоорондын Ассамблейд Монголын парламентчид идэвхтэй оролцоно гэж найдаж байна.

Монгол Улсад удахгүй болох Ерөнхийлөгчийн сонгууль нь Таны улс төрийн намтарт нэгэн шинэ хуудсыг нээнэ гэдэгт итгэлтэй байна. Танд чин сэтгэлээсээ амжилт хүсье. Таныг манай улсад ямар ч хэлбэрээр ирэхэд угтан уулзахдаа үргэлж баяртай байх болно. Аравдугаар сард Санкт-Петербург хотноо Та төлөөлөгчдөө тэргүүлэн ирж яриа хэлэлцээгээ үргэлжүүлнэ гэж найдаж найдаж.

Эрхэм хүндэт дарга аа, гүн хүндэтгэлээ илэрхийлж байгааг минь хүлээн авна уу.

В.МАТВИЕНКО

МАН-аас нэр дэвшигч М.Энхболдын сонгуулийн штаб