Саналын хуудас хэвлэх ажил энэ сарын 23-ныг хүртэл үргэлжилнэ

            Сонгогчдын саналын хуудас хэвлэх ажил өнөөдөр эхэллээ.  

            Саналын хуудсыг хэвлүүлэх, хадгалах, санал авах байранд хүргүүлэх хугацаа хуульд заасны дагуу 6 дугаар сарын 23-ныг хүртэл үргэлжилнэ.

            Сонгуулийн Ерөнхий Хороо Монгол Улсын Ерөнхийлөгчийн 2017 оны ээлжит сонгуулийн саналын хуудсыг батлагдсан загварын дагуу, тоогоор хэвлүүлэхээр  “ Монголын үнэт цаас хэвлэл” ХХК-тай  гэрээ байгуулан ажиллаж байгаа ажээ. 

           Саналын хуудасны загвар бэлтгэх, тоо гаргах, хэвлэх компанитай байгуулах гэрээг бэлэн болгох, саналын хуудсыг хэвлүүлэх, түүний явцад хяналт тавих, хүргүүлэх, хүлээлцэх ажлыг зохион байгуулах үүрэг бүхий Ажлын хэсэг саналын хуудсыг хэвлүүлэх, хадгалах, хүргүүлэх ажиллагааг хуулийн хугацаанд хийж гүйцэтгэхээр төлөвлөгөө, хуваарь гарган  ажиллаж байна хэмээн СЕХ-ны хэвлэл, мэдээллийн төлөөлөгч мэдээллээ.