Офшор дансны хэрэгт холбогдсон Пакистаны Ерөнхий сайд Наваз Шариф огцорлоо

         Хүүхдүүд нь офшор бүсэд төрөл бүрийн бизнесийн сүлжээтэй нь илэрсэн Пакистаны Ерөнхий сайд Наваз Шарифийг албан үүргээс нь чөлөөллөө. 

        Тус улсын Дээд шүүхээс өнөөдөр түүнийг Ерөнхий сайдын суудлаас нь огцруулж шалгах шийдвэрийг гаргалаа. 

         Наваз Шариф нь Пакистаны хамгийн чинээлэг гэр бүлүүдийн нэг бөгөөд 1990 - 1993, 1997-1999, 2013 - оноос тус улсын Ерөнхий сайдаар ажиллаж байжээ. 

          Түүний гурван хүүхэдтэй холбоотой бизнес Panama Papers буюу Панамын офшор дансны бичиг баримтуудтай холбогдсон дэлхийн улс орнуудын тэргүүнүүдийн хөрөг бүхий самбарт танилцуулагдаад буй. 

       Наваз Шарифийн энэхүү бизнесийн сүлжээг мөрдөн шалгахыг Пакистаны ард түмэн болоод сөрөг хүчнээс нь шаардаж байлаа. 

       ICIJ байгууллагын цахим самбарт одоогоор дэлхийн улс орнуудын 14 удирдагч, удирдагч байсан хүмүүс, 50 гаруй сайд, шүүгч, армийн дээд алба хаагч, тэдний хамаатан садны хэлхээ холбоог багтааж харуулдаг. Эдгээр нь бүгд Панамд бүртгэлтэй Моссак Фонсека компанийн үйлчлүүлэгчид байсан нь илэрсэн юм.

Эх сурвалж: CNN, ICIJ