Азийн хөгжлийн банкнаас 100 сая ам.долларын санхүүжилт олгожээ

             Олон улсын валютын сан (ОУВС)-гийн ажлын хэсэг долдугаар сарын 19-нөөс энэ сарын 2-ны өдрүүдэд Улаанбаатар хотод ажилласан.

             Тэд тавдугаар  сарын 24-ний өдөр батлагдсан, гурван жилийн хугацаатай, Өргөтгөсөн санхүүжилтийн хөтөлбөрийн эхний шатны үнэлгээг хийсэн юм.

               Ажлын хэсгийн үнэлгээний үр дүн эерег гарсан тул хөтөлбөрийн хүрээнд олон улсын байгууллагууд болон хөгжлийн түнш орнуудаас батлагдсан 5.5 тэрбум ам.долларын санхүүжилтийн дараагийн шатны санхүүжилт хийж эхэлжээ. Энэ сарын 4-ний өдөр Азийн хөгжлийн банкнаас 100 сая ам.долларын санхүүжилтийг Монгол Улсад шилжүүлэн, гадаад валютын нөөцийг нэмэгдүүллээ гэж Монголбанкнаас мэдээллээ.