"Гоо марал" хамтлаг Олон улсын үндэсний бүжгийн тэмцээнд тэргүүн байр эзэллээ
2017 оны 9-р сарын 16-нд БНСУ дахь Монгол Эмэгтэйчүүдийн холбооны дэргэдэх "Гоо марал" хамтлаг Ёнгуанд болсон Олон улсын үндэсний бүжгийн тэмцээнд оролцож, 50-иад багтай өрсөлдөн Тэргүүн байр эзэлсэн сайхан мэдээ дууллаа.
Тус хамтлаг энэхүү тэмцээнд өнгөрсөн жил ч мөн адил оролцон, Тусгай байрын шагнал хүртэж байсан ажээ. Тэгвэл энэ жил амжилтаа улам ахиулахын төлөө цаг зав, хичээл зүтгэл зарцуулсны үр дүнд ТЭРГҮҮН БАЙРЫН ЭЗЭД болж чадсан байна.
Онцлоход: Сөүл хотын захирагч Пак Вон Сүн "Гоо марал" хамтлагийн бүжигчдэд маань видео бичлэгээр тусгайлан амжилт хүсчээ.
Энэхүү үйл явдал нь Монгол бүжигчдэд маань маш их сэтгэлийн дэм, урам зориг өгсөн талаар тус хамтлагийн Mainbayar Purevsuren бахдан мэдээллэсэн байна.
Бидний цөөн Монголчууд дэлхийн хаана ч урлаг, спортоороо манлай явж чадахаа харуулж нотлосоор... Харийн оронд суугаа элэг нэгт ахан дүүстээ гүн талархал илэрхийлж, урлагийн өндөр амжилт хүсье!
AYANGA.MN