Г.Байгалмааг Ерөнхийлөгчийн Тамгын газрын дэд даргаар томиллоо

     Монгол Улсын Ерөнхийлөгчийн Тамгын газрын дэд даргаар Гочоосүрэнгийн Байгалмааг өнөөдөр томилжээ.

                       Г.Байгалмаа нь Шинэчлэлийн Засгийн газрын Барилга хот байгуулалтын дэд сайд, УИХ-ын дарга З.Энхболдын зөвлөхөөр ажиллаж байсан, түүнчлэн сүүлийн 10 гаруй жил Монголын Ардчилсан Холбооны Ерөнхий нарийн бичгийн даргаар ажиллаж, УИХ-ын сонгуульд хоёр ч удаа нэр дэвшээд амжсан улс төрийн болоод, төрийн ажлын туршлагатай боловсон хүчин. Хуульч, эрх зүйч мэргэжилтэй тэрбээр барилгын салбарын хууль эрх зүйн шинэчлэл, шинэ сумын төв төсөл, орон сууцны ипотекийн зээлийг ажил хэрэг болгосон гол хүн гэдгээрээ олон нийтэд танигдсан нэгэн ажээ.

     Монгол Улсын Ерөнхийлөгчийн Тамгын газрын дэд даргаар өнөөдөр томилогдож буй Г.Байгалмааг шинэ Ерөнхийлөгчийн мөрийн хөтөлбөрийг хэрэгжүүлж, бодлого үйл ажиллагааг нь олон нийтэд үр өгөөжтэй болгоход томоохон дэм болон хүн хэмээн Ардчилсан Намын нөхөд нь ч дэмжиж байгаа ажээ.

AYANGA.MN