"Дэлхийн мисс"-д эх орноо төлөөлөн оролцох бүсгүйчүүдийг бүртгэж эхэллээ

"Miss World Mongolia 2017" тэмцээнд Монгол Улсаа төлөөлөн оролцох сонирхолтой бүсгүйчүүдийг бүртгэж эхэллээ.

 Бүртгэл энэ сарын 11-нийг хүртэл Тэнгис кинотеатрын урд байрлах “M Plaza” төвийн I давхарт явагдаж байна.

Тэмцээнд оролцох хүсэлтэй бүсгүйчүүд арьс өнгө, итгэл үнэмшил, шашин шүтлэг, угсаа гарлыг үл харгалзан ялгаварлалгүйгээр оролцох боломжтой.

"Miss World Mongolia 2017" тэмцээн аравдугаар сард БНХАУ-ын Саньяа хотод болох аж.

Оролцогчдын бүрдүүлэх материал, тавигдах шаардлагыг хүргэж байна.

Үндсэн шаардлага:

• Монгол Улсын иргэн байх
• 2017 оны 10-р сарын 18-ны байдлаар 16 нас 6 сар хүрсэн ба 26 нас хүрээгүй байх
• Монгол Улсын иргэн биш бол харьяат буюу Монгол Улсын иргэний үнэмлэхтэй Дэлхийн миссийн тухайн жилийн зохиогдох өдөр хүртэл /2017 оны 10-р сарын 18-наас өмнө/ сүүлийн таван жилийн хугацаанд Монгол Улсад амьдарсан байх
• Гадаад паспорттай байх бөгөөд паспортын хугацаа тухайн жилээс хойш багадаа 2 жилийн хугацаанд хүчинтэй байх
• Гэр бүлгүй, хамтран амьдрагчгүй /эцэг эхийн болон хууль ёсны асран хамгаалагчийн тодорхойлсон тодорхойлолт/
• Хүүхэд төрүүлж байгаагүй
• Гоо зүйн анхан шатны мэдлэгтэй
• Англи хэлний дундаж болон дээд түвшний мэдлэгтэй
• Биеийн аль ч хэсэгтээ мэдэгдэхүйц том хэмжээний сорви, шивээсгүй
• Биеийн аливаа хэсэгт мэс ажилбар хийлгээгүй
• Тэмцээнд оролцогч нь Үндэсний тэмцээнд түрүүлэх, нийгмийн сайн сайхны төлөө үйлст хүчин зүтгэх хүсэл эрмэлзэлтэй байх
• Ямар нэгэн хэл аманд өртөөгүй, ял шийтгэл эдлээгүй байх.

Бүрдүүлэх материал

• Англи хэл дээр бөглөсөн application
• Эрүүл мэндийн бичиг
• Эцэг эх болон хууль ёсны асран хамгаалагчийн тодорхойлолт 
• Усны хувцастай зураг 1% А5 хэмжээтэй
• Гоёлын даашинзтай зураг 1% А5 хэмжээтэй /Чөлөөт хувцастай байж болно/
• Нүүрний хэсгийг тод харуулсан зураг 1% А5 хэмжээтэй
• Бүртгэлийн хураамж 50,000 төгрөг байна гэдгийг зохион байгуулагчдын зүгээс мэдээллээ.

ВИДЕО: